چۆن بهو شهپۆله ویشکانهی
رۆحی ئاویان لێ دزراوه تینوایهتیمان بشکێنین؟
چۆن بهو ئاوره بێ گرفانهی
که گهرمایان پێ نهماوه
لهم قاڵبه سههۆڵینه بێینه دهرێ؟
ئهرێ دایه
بۆ چی ههموو ئاوهکانی ئهم دنیایه
به قهد ماچێکی سهردهمی منداڵی تۆ
تینوایهتیم ناشکێنن؟
بۆ چی ئاورهکانی ئهمرۆ
گهرمای دوێنێ ی
دهستهکانی تۆیان نیه؟
دایه دایه
سهر ههڵدهگرم
مهڵێ بۆ کوێ؟
سر ههڵگرتن شوێنێکی تایبهتی نیه
ههر دێمهوه مهڵێ کهنگێ
گهڕانهوه کاتێکی تایبهتی نیه..
ههر بژی جگهره!!
(من و جگهره و چوار دیواری رووت)
بژی جگهره!
ئهو کاتهی که ،
خهمی دڵم بهرهبهره،
له گهڵ تۆ دا تێکهڵ ئهبێ و
باڵ ئهگرێت و
بزر ئهبێ لهم دهڤهره.
بژی جگهره!
ئهو کاتهی که به ههر ماچێک بهرهبهره،
گڕی لێوم لێت دێته پێش
تۆیش ....نهرم نهرم...
ئهبی به خۆڵهمێش.
بژی جگهره!
ئهو کاتهی که،
ئهبی به ئهندامی لهشم
له ناو لهپما ،
ئهبی به ئهنگۆستی شهشم.
بژی جگهره!
جگهرهی هاورێم!
تۆ ئهزانی
جهرده چی کرد بهم مهقهڕه!!
